පෙර දිනයක මා පෙම් කළ යුවතිය
සිය පුතු නලවනවා
මගේම ගීයක් නැලැවිලි ස්වරයෙන්
ඈතින් මතු වෙනවා //
නුරාව වෙනුවට ඉඳුනිල් දෙනුවන
දයාව වෑහෙනවා //
සිනාසුනෙමි මම අවිහිංසක ඇය
කෝල බැලුම් හෙලුවා
හිරුට සඳුට නොකියා හොර රහසේ
කාලය වියැකෙනවා //
නෙත් අදහන්නට බැරි ලෙස රූසිරි
කෙමෙන් මැකී යනවා
එදා වගේ තවමත් වැට අද්දර
නාමල් පූදිනවා //
නොකා නොබී දුක් වින්ද අතීතය
යළි මට සිහිවෙනවා
රචනය- සුනිල් සරත් පෙරේරා
ගායනය-පණ්ඩිත් ආචාර්ය අමරදේව
සංගීතය- පණ්ඩිත් ආචාර්ය අමරදේව
Comments
Post a Comment