හත්වැන්නාධිපති බලවත් ලෙස හත්වැන්නේ සිටීම යනු යමෙකුගේ සහකරු හෝ සහකාරිය බලයෙන් යුතු අයකු බවට වන ජ්‍යෙතිෂ නියමය ඩයනා කුමරියගේ ජන්ම පත්‍රයෙන් තවදුරටත් තහවුරු වෙයි. 1961 ජුලි 1 නෝෆෝක් හි උපන් මෙතුමියගේ කටක ලග්න ජන්ම පත්‍රයේ සස නම් මහා පුරුෂ යෝගය උදාකරමින් ශනි දිග් බලව සිටිනු පෙනෙයි. ඒ අනුව මැය විවාහ වූයේ බ්‍රිතාන්‍යයේ ඔටුන්න හිමි චාල්ස් කුමරු සමඟය. මීට අමතරව ගුරු සහ ශනිගෙන් යෙදුන නීච භංග යෝගයක්ද මෙම කෙන්ද්‍රයේ හත්වැන්නේ යෙදී තිබීමෙන් සහකරුවාගේ පෞරුෂය සහ පවුල් පසුබිම සනාථ කරයි. මේ අතර බුධ ස්වක්ෂේත්‍රව දොලොස්වැන්නේ සිටීමෙන් යෙදුන විපරිත රාජ යෝගයක්ද මෙම හඳහනේ දක්නට ලැබෙයි. සමාජශීලීත්වය පිළිඹිඹු කරන සිකුරු තමාට සුදුසුම එකොළොස්වැන්නේ සිටීමෙන් මැයගේ සමාජශීලී බව තහවුරු කරයි. කෙසේ වුවත් හත්වැන්නේ ගුරු නීච වීම මෙන්ම දෙවැන්නේ කුජ රාහු සමඟ සංයෝගව සිටීම විවාහ දිවිය අවුල් කර බිඳ දැමීමට උපකාරී වූ බව පැහැදිළි කරයි.ඊට අමතරව මාරක ස්ථානය වූ දෙවැන්නේ කුජ රාහු සංයෝගය මෙන්ම හත්වැන්නේ අට අධිපති වූ ශනි නීච ගුරු සමඟ යෝගවීමද ඩයනා කුමරිය මාරක රිය අනතුරකින් මෙලොව හැරයාමට ඉවහල් වූ ජ්‍යොතිෂමය සාධක අතර ඉදිරිය...

  බ්‍රිතාන්‍යයේ හිටපු දෙවන එළිසබත් මහ රැජිනගේ කේන්ද්‍රයද සුවිශේෂී ග්‍රහ පිහිටීම් රාශියකින් සමන්විත එකකි. 1926 අප්‍රේල් 21 ලන්ඩනයේදී උපත ලද මෙතුමියගේ ලග්නාධිපති දසවැන්නේ තැන්පත් වී සිටින අතර එම රාශි අධිපති දිග් බලව හත්වැන්නේ සිටිමෙන් ලග්නාධිපතියා මෙන්ම ලග්නාධිපති සිටින රාශි අධිපතියාද කේන්ද්‍ර ස්ථාන ගතවීම ජන්මියාගේ ප්‍රබලතාවය තහවුරු කරයි. මීට අමතරව මෙහි ශනි සහ උච්ච කුජ අතර මහා පරිවර්ථන යෝගයද යෙදි තිබේ. එය හත්වැන්න සහ නමවැන්න අතරවීමද සුවිශේෂීය. නමයේ ග්‍රහයකු උච්ච වී සිටීම තම පූර්ව පින් බලය පෙන්නුම් කරයි. ඊට අමතරව මෙහි නීච භංග රාජ යෝගයන්ද කුජ සහ ගරු අතර වෙයි. රාජ්‍යත්වය සංකේතවත් කරන රවි මෙහි උච්ච රාශිගතව සිටින අතර රවින්ගෙන් කේන්ද්‍රගතව නීච ගුරු සිටීමද නීච භංගයක් ලෙස දැක්විය හැකිය. මීට අමතරව එකොළොස්වන්නේ නීච බුධ සිටින අතර එම රාශි අධිපති ගුරු උච්ච කුජ සමග සිටීමද, ගුරු නීච වී සිටීමද අපූර්ව වූ නීච භංග යෝගයකි. ධනස්ථානය වන දෙවැන්නේ රාහු උච්චව සිටීමද ධනය පිළිබඳව වන බලය මෙන්ම දසවැන්න දැකීම තුලින් ප්‍රකට භාවයද පෙන්නුම් කරයි. තෙවැන්නේ සඳු ස්වක්ෂේත්‍රව සිටීමෙන් තම රාජකීය උරුමය පවත්වා ගැනීම ම...