පැල් ගැහීම - ස්ත්‍රී - පුරුෂ සම්බෝගය
සල්ලංවෙනවාප- විනාශ වෙනවා/ පංච බෙල්ලන් දමන
විට ක්‍රීඩාවට සුදුසු වීම
හාකන්පෙත්තා - හේන් කැපීමට නිසි පිළිවෙත් දන්නා දක්ෂ තරුණයා
හීවඬුවා - සී සෑමේ දක්ෂ තරුණයා
පොත් කිරීම - එක උඩ එක ඇහිරිම
කැති කඳ - කැත්ත, පිහිය බඳු මෙවලම් මුවහත් කරගැනීමට යොදාගන්නා ලීය
කණුමන්ද -හේන් කොටන විට කැපූ ගස්වල ඉතිරි කොටස
මීමිනිතුරේ - හේන් කොටන විට ගස් මැදින් වළහිටින සේ කැපීම
ගැදැල්ල ගහනවා - ගැදැල්ලකරුවන් හේන් බිමේ තිබෙන රොඩු ඉවත් කිරීම
එල්ලංගාව - එක වැවකින් තව වැවක් පෝෂණය වන වැව් පද්ධතියක්. මෙය වැව් එල්ලංගාව ලෙස ද හැඳින්වෙයි.
පත්තක්කා - කොමඩු
ඇටෑදෑටියා වීම - කරල් පැසීගෙන ඒම
ගෝලුගන්නවා - කේන්ති ගැනීම
ගාල් වෙනවා - සම්බන්ධ වෙනවා / කිට්ටු වෙනවා
පණ ඇරලා ඉන්නේ - ආලවන්තකම / හිතේක්ෂිවන්තකම
මුල්කැටාව - එක ස්ථානයක් මැදට හිටින ලෙස තබා රවුමට දඬු වැට බැඳ හේන්
කරන ක්‍රමයක්.
වාම්පතුල් - හේන් කොටන විට කටු ඇණීම වළකා ගැනීම සඳහා යොදාගන්නා ගෝන හෝ මුව හමින් තනාගත්සාම්ප්‍රදායික පාවහන් යුවලක්
ඇඹිටිල්ලා -කුඩා දරුවා
බද්දේරාල -බදු අයකරන නිලධාරියා
මරිකාරයා - කුළු හරක් අල්ලන පිරිමි ජනයා
මහ පෝය - පසළොස්වක පෝය
කළුවර පෝය - අමාවක
අග්ගිඩවෙලා - අහවරවෙලා / ඉවරවෙලා
හේලංකඩ - අඟුව
කුණ්ඩා හට්ටිය- ලොකු වළ
බිලිංචි- බිලිං ගෙඩි
Comments
Post a Comment