කෙම ළිප ගින්දරට පිළිස්සුණ විට කතා නො කර පෑල දොරෙන් එළිබැස තමන් ගේ මුත්‍රා පිළිස්සුණ ස්ථානයේ ආලේල්ප කරනු. දිය බුබුළු නො නැගී සුව වේ. එහි විද්‍යාත්මක පදනම මෙම කෙම හා බැඳී පවතින විද්‍යාත්මක පදනම කෙරෙහි අවධානය යොමු කරන විට එහි සැග වී ඇති වැදගත් කරුණු කාරණා කීපයක් අනාවරණය කර ගැනීමට පුළුවන. විශේෂත්වය වන්නේ එම කරුණු කාරණා පුරුෂ පක්ෂය අභිබවමින් කාන්තා පක්ෂයට අදාළ වී තිබීම ය. ඊට හේතු ව නිවසක මුළුතැන් ගෙයි ඇති ළිප වඩාත් භාවිතා කරන්නේ කාන්තාවන් වීම ය. එබඳු අවස්ථාවල දී එ නම් ළිප දැල්වීමේ දී ගින්නෙන් සුළු සුළු තුවාල සිදු වීම නිතර සිදුවිය හැක. එ වන් තුවාල වීමක් නොහොත් පිළිස්සීමක් සිදුවුණ විට කතා නො කර පැළ දොරෙන් එළිබැස තමන් ගේ මුත්‍රා ටිකක් ගෙන පිළිස්සුණ ස්ථානයේ ආලේප කළ යුතු ය. මෙය ප්‍රඥා ගෝචර ක්‍රියාවකි. කෙම විසින් එම ප්‍රඥා ගෝවර ක්‍රියාව වෙත අදාළ පුද්ගලයා යොමු කර ඇති අයුරු අගනේ ය. එ ලෙස වන්නේ ගින්නෙන් පිළිස්සීම නිසා සිදුව ඇත්තේ සුළු පරිමාණයේ ආපදාවක් වුව ද "පිච්චුනෝ.... දනවෝ...." ආදී වශයෙන් කෑකෝ ගැසීමෙන් නිවස තුළ ඇතිවිය හැකි අනවශ්‍ය නො සන්සුන් තාවයන් වළකාලීම සදහා පියවර ගෙන තිබීම නි...

  කෙම පිරිසිදු වතුර, බඳුනකට ගෙන පහත සඳහන් මන්තරයෙන් එකසිය අටවරක් මතුරා උදේ සහ සවස දෙහි අත්තකින් ගොවිපොළ හෝ කොරටුව වටේ ඉසිනු. ගොවිපොළට කොරටුවට වැදී ඇති ඇන්වහ කටවහ දෝෂ තුන් වරුවෙන් දුරුවේ. මන්ත්‍රය මං නමෝ කීකරු නො කීකරු දුටුකරු නුදුටු කරු ඇස්වහ කටවහ අද හිටන් නෑ එහි විද්‍යාත්මක පදනම ඇස්වහ කටවහ දෝෂ පුද්ගලයින්ට පමණක් නොව නිවෙස්, වෙළඳ සැල්, ගොවිපොළවල් කොරටු යනාදියට ද වැදේ. එ විට නිවෙස් වල අද්භූත දෝෂ ලෙඩදුක් යනාදිය ඇති වේ. වෙළඳ සැල ව්‍යාපාරික කටයුතු අඩාල වේ. ගොවිපළ වල පලදාවට හානි පැමිණේ. එ විට ඒවායේ හිමිකරුවෝ එම දෝෂ දුරුකර ගැනීම සඳහා නොයෙකුත් විදියේ ශාන්තිකර්ම කරති.ඒවා අතර කෙම් ක්‍රමවලට ද විශේෂ ස්ථානයක් හිමි වේ. එය අද ඊයේ සිට කරන ක්‍රියාවක් ද නොවේ. මෙහි ඉදිරිපත් කර ඇති කම ද එ වැන්නකි. එය වතුර මතුරා ඉසීමකි. වතුර මතුරා ඉසීම, මුහුණ සේදීම, බීම ආදී කෙම අප අතර කොතෙකුත් ප්‍රචලිතව පවතී. ඒවායින් සාර්ථක ලෙස ප්‍රතිඵල අත්කර ගන්නේ ද විරල නොවේ.මෙහි දී සිදුවන්නේ මන්ත්‍රයකට මුල්තැන දීම ය. මන්ත්‍රයක් කෙම් ක්‍රමයකට සම්බන්ධ වීමේ දී සිදුවන ක්‍රියාවලිය පිළිබඳ ව මෙහි එන කෙම්මම වල දී කොතෙකුත් විස්තර කොට ඇත...

  කෙම කතා නො කර දිමිගොටු දෙකක් එක ම ගසකින්, කඩාගෙන ගොස් නියර වගාවේ තබනු. අස්වන්න කෑමට ගිරව් නො පැමිණේ. අත් දුටු කෙමකි. එහි විද්‍යාත්මක පදනම කුඹුරු වගා කරන ගොවියෝ කුඹුරු වගාවෙන් පසු ව නියර ද නිකරුනේ තිබෙන්නට නො හරිති. එහි ද වගාවක් කරති. ඒ සඳහා උපයෝගී කරගන්නේ මෑ, බණ්ඩක්කා, බෝංචි ආදී බෝග වර්ග ය. එම ගොවිතැන නියර වගාව යනුවෙන් හඳුන්වනු ලැබේ. නියර යනු විවෘත ස්ථානයකි. එහි වගාවක් කොට පලදැරුව විට කුරුල්ලන්ට පැමිණීම පහසු ය. ගිරව් එම කුරුල්ලන් අතර ප්‍රමුඛත්වය ගනිති. උන් මෑ, බණ්ඩක්කා, බෝංචි කරල් වල ඇට අනුභව කිරීමට පෙළඹේ.ගොවියෝ උන් පළවා හැරීමට නොයෙකුත් උපක්‍රම භාවිතා කරති. ටකයක් සවිකිරීම, පඹයෙක් බැඳීම, රැකසිට පළවා හැරීම ඉන් සමහරකි.මෙම කුරුල්ලන් පළවා හැරීම සාර්ථක අන්දමින් කළ හැකි උපක්‍රමයකි දිමි කෙම. එය අන් උපක්‍රම සියල්ල අබිභවමින් ක්‍රියාත්මක වෙයි. එය සරල ය. ක්‍රියාවට නැංවීම ද පහසු ය. කළ යුත්තේ එක ම ගසකින් දිමි ගොටු දෙකක් කතා නො කර කඩාගෙන ගොස් නියර වගාව මතින් තැබීම පමණ ය. එ මගින් නියර වගාව ආරක්ෂා කරගන්නා ගොවියෝ සාර්ථක ප්‍රතිඵල ලබා ගනිති. දිමිගොටු දෙකක් එක් නියර වගාවක් සඳහා තබන්නේ එක් දිමි ග...

  කෙම දරු ප්‍රසූතියට සූදානමින් සිටින මව්වරුන්ට ඇති වෙන ගර්ග අවහිරතා මඟ හැර විය හැකි බවට විශ්වාසයක් පවතින කෙමක් ප්‍රචලිත ව පවතී. එය පහත සඳහන් මන්තරයෙන් තලතෙල් 108වරක් මතුරා ගැබිණිය ගේ යටිබඩේ කතා නො කර ගෑමෙන් සිදු කරනු ලැබේ. මන්ත්‍රය ඕං නමෝ අංගුලිමාලෝ මහා ථෙරෝ මහා වීරෝ මහා බලො ගබ්ද නීච විපොසෙත ගගා නික්ඛමතු සව හ: එහි විද්‍යාත්මක පදනම මෙය බුද්ධ භාෂිතයට අයත් කමක් හැටියට සඳහන් කළ හැකි ය. ඊට හේතු ව මෙම මන්ත්‍රය අංගුලි මාල මහරහතන් වහන්සේ හා සම්බන්ධකර තිබීම ය. ගැබිණි මව්වරුන්ට දරු ප්‍රසූතිය පහසු කරවීම සඳහා අංගුලිමාල පිරිත සජ්ඣායනා කිරීම තරම් සෙත සලසන වෙනත් ශාන්ති කර්මයක් ඇත්දැයි සැක සහිත ය. එම නිසා මෙම මන්ත්‍රයේ ප්‍රතිඵල පිළිබඳ ව විශේෂයෙන් බෞද්ධයින්ටත් අවිශේෂයෙන් අන්‍ය ආගමිකයින්ටත් පූර්ණ විශ්වාසයක් තැබීමට පුළුවන. මෙහි දී මැතිරීම සඳහා උපයෝගී කරගන්නේ තල තෙල් ය. තල තෙල්වල ඖෂධීය ගුණය ගැන අමුතුවෙන් කිවයුතු නොවේ. එය ශ්‍රී ලාංකික ජන සමාජය හොඳින් දන්නා බැවිනි. විශේෂයෙන් තල තෙල් ගැබිණි මාතාවන්ට ගුණදායක බව මෙහි දී සඳහන් කළ යුතු ය. එ වන් ඖෂධීය ගුණ සපිරි තෙල් විශේෂයක් මන්තරයකින් බලගැන්වූ විට...

  කෙම අමු කහ කෑල්ලක් කඩා කහ කෑල්ලේ හුණු ආලේප කොට ලෑල්ලක මනුෂ්‍ය රූපයක් අඳිනු. එහි කටී වායුව සෑදුණ රෝගියා ගේ නම ලියනු. ඉක්බිති පහත සඳහන් මන්තරය යකඩ ඇණයකට 108 වරක් මතුරා කතා නො කර එම රූපයේ තුනටියේ කටීවායුව ඇති ස්ථානයේ මිටියක් ගෙන එකවරකින් ගසනු. තුන් වරුවකින් කටී වායුව සුව වේ. මන්ත්‍රය ඕං විලාලප්පා විලකට්ටු ඕරේ මාරේ සැරයෙන් සිල්ලයි කාමේරුන කාමේරුන ජෝඩු ජෝඩු නගන තැන සිට පං එහි විද්‍යාත්මක පදනම කටී වායුව යනුවෙන් හැඳින්නේ තුනටියේ රුදාව ය. වැඩපල කරන අයට මැදි වයස ඉක්මවන විට වැළදේ. එම රෝගය සුවකර ගැනීම සඳහා ගම්බද ජනතාව වඩාත් යොමුවෙන්නේ කෙම් ක්‍රම වෙත ය. මෙම කෙම ඒ සඳහා ප්‍රත්‍යක්ෂ ප්‍රතිකාරයකි. මෙහි දී ප්‍රථමයෙන් ම කළ යුත්තේ ලෑල්ලක් ගෙන එහි මිනිස් රූපයක් ඇදීම ය. ඒ සඳහා භාවිතා කරනු ලබන්නේ හුණු ගාන ලද කහ කෑල්ලකි. කහ කෑලේ හුණුත් කෙමත් අතර එතරම් සම්බන්ධතාවයක් ඇති බවක් නො පෙනේ. ඊට හේතු ව කහවල හුණු ගෑමෙන් පසු ව එහි වර්ණය දීප්තිමත් වන බැවින් වඩාත් සාර්ථක ව ඇඳ ගැනීමට හැකි වෙනවා විනා එමගින් කෙමට ශක්තියක් හෝ බලයක් එක් වෙතැයි විශ්වාස කිරීමට නුපුළුවන් වීම ය. මෙසේ රෝගියාට පෙනෙන්නට මිනිස් රූපයක් අඳින ...

  කෙම පහත සඳහන් මන්තරය නො පෑගුණ කුඩා ගල් කැට වලට මතුරා වී මලු වලට දමා කටවල් බැඳ ගොඩගසා තබනු. මීයෝ ඒවා තැබූ අසලකට වත් නොපැමිණේ. මන්ත්‍රය ඕං නමෝ අරාඩියං පරමේස්වා හ: එහි විද්‍යාත්මක පදනම මීයන් පළවා හරිමින්, මහත් වෙහෙසක් විඳ කුඹුරු වගාකොට ගොයම් පැසුණු පසු කපා පාගා ගෙටගත් විට ද යළි මීයන් ගේ හානිය එ ළඹේ. එ තැන් සිට නිවසට එන මීයන් පළවා හැරිමට ද ගොවියාට අතිරේක වෙහෙසක් දැරිමට සිදුවේ. ඒ සඳහා අතීතයේ සිට ම ගැමියෝ කෙම් ක්‍රමවල පිහිට ලබාගනිමින් තමන් ගේ සශ්‍ය ආරක්ෂ කරගත් බව මුසාවක් නොවේ. ඒ සඳහා භාවිතා කරනු ලබන සාර්ථක ප්‍රතිඵල ලැබිය හැකි කෙමක් මෙහි ඉහත සඳහන් කොට ඇත. එහි සාර්ථකත්වයට හේතු වන විද්‍යාත්මක පදනම කුමක්දැයි හෙළිදරව් කර ගැනීම කෙම කරන්නට සැදී පැහැදී සිටින ඔබට ප්‍රයෝජනවත් වීමට පුළුවන. නො පෑගුණ ගකැට ලබාගත හැක්කේ ගගක හෝ ඔයක පත්ලෙනි. ඒවා පවිත්‍රතාවයෙන් යුතු ය. මහ පොළොව මත කොතෙක් සැරි සැරුවත් මීයන්ට හැම දා ස්පර්ෂ වන ගල් වැලි විනා එම ගල ආශ්‍රයක් කවදාවත් ලැබෙන්නේ නැත. එම නිසා ඒවායේ ආගන්තුක ස්වභාවය උන්ට සැක සහිත ය. බිය උපදවන සුළු ය.එ වන් ගල්කට මන්ත්‍රයකින් බල ගැන්වුව විට පවතින තත්වය තවදුරටත් ත...

  කෙම පල නො දරන දොඩම් ගස්වල මූල මණ්ඩලය පාදා කතා නො කර බෝතල් කටු දමා වසනු. පල දරනු ලැබේ. එහි විද්‍යාත්මක පදනම කොතෙක් සරු සාර ව අතු පතර විහිදා වැඩුණත් පල නො දරන ගස් කොතෙකුත් දැකිය හැකි ය. මෙම ගස් සමහර දන්නෝ වද ගස් යනුවෙන් හඳුන්වති. මෙවන් තුරුලිය දෙස බලන කල මෙය ශාක ප්‍රජාව වෙත පමණක් බල පවත්වන න්‍යායක් නොවන බව පැහැදිලි වේ. සත්ත්ව ප්‍රජාවට ද ඒ අයුරින් ම බලපානු ලැබේ. මෙම න්‍යාය හමුවේ නො සැලෙන මිනිසා විවිධ ක්‍රම භාවිතා කරමින් පල නො දරණ තුරු පල ගැන්වීම සඳහා නොයෙකුත් උපක්‍රම භාවිතා කරන අයුරු දැකිය හැකි ය. එ වන් උත්සාහයන් අතීතයේ සිට මිනිසා විසින් පවත්වාගෙන පැමිණ වර්තමානයට ද දායාද කොට ඇත. කප්පාදු කිරීම, කඳේ පොත්ත එක්තරා රටාවකට කැපීම,  භය ගැන්වීමට යයි ගසේ කඳට පහර දීම, පල ලබාදෙන මෙන් උදේ සවස ගස යටට ගොස් ඉල්ලා සිටීම, පල නො දැරුවොත් කපා දමන බවට තර්ජනය කිරීම එම ක්‍රමවේද වලින් කීපයකි. මේවා කෙම් පහන් හැටියට සැළකීමට ගැමියෝ පුරුදු වී සිටිති. ඒ අතුරෙන් දොඩම් ගස් පල දැරීම සඳහා කරනු ලබන ඉහත සඳහන් කෙම අප ගේ අවධානයට ලක් විය. ඊට හේතු ව එමගින් සාර්ථක ප්‍රතිඵල ලබාගත් අය පිළිබඳ ව අසන්න ට ලැබීම ය. තුර...

  කෙම මඩුමල් කඩාගෙන විත් කුඹුර වටේත්, කුඹුර මැද තැන් තැන් වලත් ලී ආධාරක මත කතා නො කර රදවනු. තුන් වරුවෙන් පීදුණ ගොයම බොල් කරන ගොයම් මැස්සෝ පළා යති.. එහි විද්‍යාත්මක පදනම කුඹුර පීදෙන විට එළඹෙන ගොයම් මැස්සන් ගේ හානිය ගොවියා මුහුණ දෙන බරපතල අභියෝගයකි. මාස් කන්නයට වඩා යල් කන්නයේ දී පවතින මෙම උවදුර කෙරෙහි සැලකිලිමත් නො වුව හොත් මුළු කුඹුර ම බොල් වී යෑමට ද පුළුවන. වර්තමානයේ දී මෙන් පරිසරයට පවා අහිතකර කෘමිනාශක භාවිතයක් නො තිබුණ අතීතයේ දී පලිබෝධ නැසීමට විවිධ උපක්‍රම භාවිතා කළහ. කෙම් කිරිම, දුම්මල ලණුව ඇදීම, බොකු ගෑම, කුඹුරේ  රාත්‍රී කාලයට පහන් දැල්වීම ඒවායින් සමහරකි.  මැස්සන් පළවා හැරීමේ උපක්‍රම කොතෙක් තිබුණත් අතීත ගොවියා වඩාත් උනන්දු වුණ කෙම්කිරීමට ය. ඒ සදහා ඔවුන් සතුව කෙම් ක්‍රම රාශියක් තිබිණි. ඒවා භාවිතා කළ ඔවුහු කුඹුරු ගොවිතැනින් සරුසාර අස්වැන්නක් ලැබූහ. මෙහි සඳහන් කොට ඇත්තේ ද ඒවා අතුරෙන් සාර්ථක  ප්‍රතිඵල ලැබිය හැකි කෙමකි.   එය කරන ආකාරය පිළිබඳ ව විස්තරයක් මෙහි ඉහත සඳහන් කොට ඇත. ප්‍රශ්නය එය නොවේ. මඩුමල් කුඹුරේ රැදෙව් විට ගොයම් මැස්සන් ගේ හානිය දුරුවන්නේ කෙස...

  කෙම ගොයමට පණුරෝග වැළඳුණ විට පාන්දර කාක්කා අඬන්නට පෙර නිරුවතින් ගොස් අලු ඉසිනු. පණු රෝගය නිවාරණය වේ. එහි විද්‍යාත්මක පදනම වී වගවේ දී ගොවියා මුහුණ දෙන පලිබෝධ අතර පණුරෝගයට මුල්තැනක් හිමිවෙයි. ඊට හේතු ව එය ව්‍යාප්ත වී ගිය හොත් ගොයම මුලුමනින් ම විනාශ වී යෑමට ඉඩ ඇති බැවිනි. වර්තමානයේ මෙන් පලිබෝධ විනාශ කිරීම සඳහා කෘමි නාශ භාවිතා නො කළ අතීත යේ දී අපේ පැරණි ගොවියා ඒ  සඳහා යොමුවුණේ වඩාත් කෙම් ක්‍රම වෙත ය. කෙම් ක්‍රම මඟින් ඔවුහු සාර්ථක අන්දමින් එම උවදුරු මර්ධනය කළහ. ඒ සඳහා කෙම රාශියක් ඔවුහු දැන සිටියහ. ඒවා අද වන තෙක් ම පරම්පරාවෙන් පරම්පරාවට උරුම ව පවතී. වෙනසකට ඇත්තේ ඒවා භාවිතා කරන්නන් ගේ සංඛ්‍යාව කෙමෙන් කෙමෙන් අඩුවී යෑම පමණ ය. මෙහි සඳහන් වන්නේ එ බඳු කෙම්යම අතර සාර්ථක ප්‍රතිඵල ලැබිය හැකි කෙමකි. එය සරල ය. ක්‍රියාවට නැංවීම ද අසීරු කාර්යයක් නොවේ. කළ යුත්තේ කුඹුරට පණු රෝගයක් වැළදුණ විට මෙම කෙම කිරිම පමණ ය. ගතවන කාලය තුන්වරුවකි. පණුවෝ මුළුමනින් ම විනාශ වී ගොයම සරුසාර වේ. ඉසීමට මේ සදහා ප්‍රථමයෙන් කුඹුරේ ප්‍රමාණය ට අවශ්‍ය වන පරිදි අලු සූදානම් කරගත යුතු ය. එම අලුවල රොඩු බොඩු ඉවත් වී තිබීමත...

  කෙම ලුණුවිල, ගොටුකොළ, නිවිති, තල එක පමණ ගෙන සෝදා ඇදියෙන් අඹරා කෝන් ඇටයේ ප්‍රමාණයට ගුලි සාදා පාන්දර කපුටා අඩන්නට පෙර, පහත සඳහන් මන්තරයෙන් 108 වරක් ජීවම් කර පිරිසිදු ඇල්දියෙන් බොනු. ධාරණ ශක්තිය වර්ධනයට ඉවහල් වේ. මන්ත්‍රය ඕං නමෝ සරස්වතී භවනේ තිබූ එරන්දතී පොතයි අද මම අතට ගත්තේ ලත් විද්‍යාධරණි ඒස්වාහ: එහි විද්‍යාත්මක පදනම ඖෂධ වර්ග හතරක් එක්තැන් කොට සිංහල වෛද්‍ය ක්‍රමයට අනුකූලව සකස් කර ගත් ගුලි ප්‍රතිකාරයක් හැටියට සඳහන් කළ හැකි මෙම කෙම මගින් සාර්ථක ප්‍රතිඵල ලැබිය හැකි බව එම ඖෂධ සංයෝගය නිරීක්ෂණය කිරීමෙන් අවබෝධ කර ගැනීමට පුළුවන.ඊට හේතු ව අදාළ කාර්යය සඳහා ඖෂධීය ගුණයෙන් පරිපූර්ණ ඖෂධ හතරක් සමග කෙමක බලය පමණක් නොව මන්තරයක ගුප්ත ශක්තිය ද එක්කර ගෙන තිබීම ය. එම නිසා මෙහි ඇති ඵලදායීතාවය පිළිබඳ ව සැක පහළ කරගත යුතු නොවේ. ලුණුවිල ධාරණ ශක්තිය වර්ධනය කිරීමෙහි ලා ප්‍රබල ඖෂධීය ගුණයක් අන්තර්ගත ශාඛයකි. ශ්‍රී සරස්වතී තෛලය හිදීම සඳහා ගන්නා ඖෂධ අතර ප්‍රධාන තැනක් ගන්නේ ද ලුණුවිල ය. විදාගම හිමිපාණෝ ශ්‍රී සරස්වතී තෛලය අශ්ව ලෝමයක තෙමා දිවේ ගාගෙන ධාරණ ශක්තිය වර්ධනය කරගත් බව පැරණි පොත පතෙහි සඳහන් වේ. ඊළගට ගොට...

  කෙම බැබිල ශාකයේ පංචාගය එක පමණ ගෙන අට එකට සිඳ දරුපල ප්‍රමාධ අඹු සැමි යුවළ එම කෂා ය, පුර පක්ෂයේ සිකුරාදා දිනයක දී රෑ එකට එක් වී උතුරු දිශාව බලා පානය කිරීමෙන් දරුපල ප්‍රමාධ ය මග හරවා ගත හැකි ය. එහි විද්‍යාත්මක පදනම බැබිල දරුපල ඌණතාවය මග හැරවීමේ ඖෂධීය ගුණයෙන් පිරිපුන් ඖෂධ ශාකයකි. එහි පංචංගය (කොළ, මල්, ගෙඩි, පොතු, මුල්,)මෙම කෂාය සඳහා කෙම මගින් නියමකර තිබීමෙන් එහි ඇති ඖෂධීය ගුණය උපරිම අන්දමින් අදාළ කාර්යය සඳහා ලබා ගැනීමට මග පෙන්වා ඇති අයුරු පෙනේ.කෂාය සාදා ගත් පසු එය පානය කිරීමට දිනයක් ද නියම කර තිබේ. එය පුරපක්ෂයේ සිකුරාදා දිනයක රාත්‍රියයි. පුරපක්ෂය යනු සඳ කලා සොළොස සපුරන්නට පටන් ගෙන එහි උච්චතම අවස්ථාව කරා ගමන් අරඹා ඇති කාලය යි. එම කාලය තුළ පෘතුවියට අයත් අපේ සූර්යග්‍රහ මණ්ඩලයේ නොයෙකුත් විපර්යාස සිදු වේ. සරල උදාහරණයක් දක්වතොත් අවපස පුරපස යන කාල පරිච්ඡේදවල දී සිදුවන වඩදිය හා බාදිය දැක්විය හැකි ය. එ මතු ද නොවේ. පෘතුවියේ සිදුවන එම විපර්යාසයට පරිබාහිර ව තව නොයෙකුත් සොභාවික ක්‍රියාකාරකම් ද මේ විශ්වයේ එම කාල පරිච්ඡේද දෙක තුළ දී සිදු වේ. මෙහි දී අවධානයට ලක්විය යුත්තේ පුරපස කාලය තුළ පවත්නා ...

කෙම පස්තෙල් (තලතෙල්, කොහොඹ තෙල්, මී තෙල්, එඬරු තෙල්, එළගිතෙල්) ගෙන පහත සඳහන් මන්තරයෙන් 108 වරක් මතුරා ස්වල්පයක් කතා නො කර නළ ලේ ගාගෙන යනු. නඩුහබ වලදී සාධාරණය ඉෂ්ට සිද්ධ කරවා ගත හැකි ය. මන්ත්‍රය නමෝ නමේෂ්වරි වාඩුනා අම්බුගතා විචනෙය දවාලයේ අගිලා ආන්ඩවයේ වෛමුත්තු සේනවුනුම් පුත්තික රවනුම් පුත්තිවුනුම් මාගේ මුඛ සරස්වතී පිහිටියෙමි. බද්දේ ගණපති පිහිටියෙමි. දැස් දෙක බුදුන්ගේ බුදුරැස් ගතිමි. අනන්ත මුනිවරමින් සුධ මන්ත්‍රධාරණ කවිසින්දු රංගන්ධාරණ සිහිමුලා නොවී මාගේ මුඛතුළේ තිබේ වා. එහි විද්‍යාත්මක පදනම මිනිසුන් විවිධාකාර වැරදි සහ අකටයුතුකම් කර නඩුමගට පිවිසී ඉන් ජය ලබා ගැනීමට ද විවිධ ශාන්ති කර්ම ගුරුකම් කරවා ගනිති. ඒවා ලෝ දහමට එරෙහි බැවින් නිෂ්ඵල ව්‍යායාම යන් ය. එ බැවින් මෙම කෙම මගින් සාර්ථක ප්‍රතිඵල අත්කර ගත හැක්කේ සාධාරණය හා යුක්තිය ඉටුකරවා ගැනීමට පමණය යන්න අප විසින් අමතක නො කළ යුතු ය. ඉහත සඳහන් මන්තරයෙන් ජීවමට හසුකර ගන්නේ පත්තෙල් ය. පත්තෙල් යනු ඉහත සඳහන් කළ අයුරු තෙල් වර්ග පහක සංයෝගයකි. එය තෙල් වර්ග පහක ඖෂධීය ගුණ සංකලනයකි. එ බැවින් එහි අන්තෙල් වර්ග අභිබවා යන ගුණයක් පමණක් නොව බලයක් ද අන්තර්ගත...

  කෙම පැගිරි දර මිටියක් ගෙන කතා  නො කර ළිපට දමා පුළුස්සනු. ඇස්වහ කටවහ දුරුවේ. එහි විද්‍යාත්මක පදනම සිංහල බෙහෙත් බඩු කඩවල විකිණීමට ඇති කුඩා පැඟිරි දර මිටියක් (දෙහි, නාරන්, ඇඹුල් දොඩම්, යකිනාරන්, පඹුරු) ගෙන සතියකට දෙකකට වරක් පිළිස්සීමේ සිරිතක් දැනුදු නාගරික ජන සමාජයේ දක්නට ලැබේ.මේ අයුරින් ඇස්වහ කටවහ දුරු කිරීමේ සිරිතක් ගම්බද ජනයා අතර සුලභව දක්නට නැතත් ඔවුන් ඒ සඳහා පැගිරි දර භාවිතා කරමින් වෙනත් ක්‍රම වේදයක් ක්‍රියාවට නංවන අයුරු දැකිය හැකි ය. තව ද ආයුධ පණ පෙවූ වතුර සහ කපුටන් නෑ ස්ථානයක වතුර ගෙන මුහුණ සේදීම ආදී තවත් නොයෙකුත් කෙම් ක්‍රම දැකිය හැකි ය. අවධානයට ලක් වෙමින් පවතින්නේ ඇස්වහ කටවහ දුරු කිරීම සඳහා පැගිරි දර පිළිස්සීමේ කම වන බැවින් ඒ පිළිබඳ ව විමසුමක යෙදීම කාලෝචිත ය.ඇස්වහ කටවහ දුරු කිරීම සඳහා කරනු ලබන සෙත් ශාන්ති වල දී දුරාතීතයේ සිට ම පැගිරි දර භාවිතා කරන සිරිතක් පෙනෙන්නට තිබේ. එයින් පැහැදිලි වන්නේ අදාළ කාර්යය සඳහා පැගිරි දර පිළිබඳ ව තබා ඇති විශ්වාසය ඉතාමත් පැරණි බව ය. ඊට කදිම නිදසුනක් සපයන්නේ ඇස් වහ කටවහ දුරු කිරිම සඳහා දෙහි කැපීමේ දී පැගිරි දර භාවිතා කරන අයුරු ය. එම දෙහ...

  කෙම කාන්තාවෝ වෙත එල්ල වෙන තනිකම් දෝෂවලින් ආරක්ෂක්ෂා වීමට කතා නො කර ගිරයක් ඉනේ ගසා ගෙන යනු. අත්දුටු කෙමක් හැටියට සැළකේ. එහි විද්‍යාත්මක පදනම කාන්තාවන් වෙත තනිකම් දෝෂ පහසුවෙන් එල්ල වෙන බව ගැමි ජන සමාජයේ පවත්නා මුල්බැස ගත් විශ්වාසයකි. එය අතීතයේ ව්‍යාධියක ස්වරූපයෙන් සමාජය පුරා පැතිරී තිබිණි. වර්තමානයේ මෙම විශ්වාසය එ තරම් දුරට මුල් බැස ගෙන තැති නමුදු එදා කාන්තාවෝ තනිකම් දෝෂ මඟ හැරීම සඳහා විවිධ උපක්‍රම භාවිතා කළෝ ය. අවේලාවල් වල දී නිවසින් එළියට නො බැසීම, ජාම වෙලාවල් වල දී තොටුපොළ, සොහොන්බිම, තුමංසල සහ සිවි මංසල මග හැරීම, පුළුටු වර්ග නොකා පරෙස්සම් වීම, තෙල් කැවුම් ආදිය පිස මඟට නො බැසීම ආදී ක්‍රියාවන් අනුගමනය කරමින් පිරස්සම් වීමට උත්සුක වුවේය. ඔවුන් ගේ ඇදහිලි හා විශ්වාස වලට අනුව එ ලෙස ක්‍රියා කළ ද ජන ජීවිතයේ විවිධ අවශ්‍යතා මත එම පිළිවෙත් වෙනස් කිරිමට සිදුවුණ අවස්ථා ද විරල නොවේ.  එ බදු අවස්ථාවල දී ඔවුන් තනිකම් දෝෂ වලට අසු නොවී ස්වකීය අවශ්‍යතා සපුරාගත් ආකාරය ද රහසක් නොවේ. ඒ සඳහා ඔවුන් භාවිතා කළ උපක්‍රම පිළිබඳ ව විමසිලිමත් වෙන විට විශ්වාසයෙන් යුතු ව ක්‍රියාවට නැංවූ කෙම්කම ගණනාවක් ...

    කෙම නූල් තුන් පොටක් ගෙන ගැට සකසා 108වරක් පහත සඳහන් මන්ත්‍රය මතුරා ගැට හිරකර තුන්දොස් කිපුණු ළමයා ගේ කරේ බදිනු. වහා තුන්දොස් සමනය වේ. මන්ත්‍රය ඕං නමෝ පවා මහා කිලෝසේම යේස්වා හ: නමෝ ආත්මකාලී මහාකාලී මලනි බන්දවතී ඒස්වාහා ඕ: ශිවායි නම: එහි විද්‍යාත්මක පදනම මෙය ඍජුව ම මන්තරයක් උපයෝගී කර ගෙන එහි බලය විදහා දක්වමින් තුන්දොස් සමනය කිරීමට පියවර ගෙන ඇති කෙමක් හැටියට සඳහන් කළ හැකි ය.  තුන්දොස් යනුවෙන් හැඳින්වෙන්නේ වා, පිත්, සෙම් ය. ඒවා නිරන්තරයෙන් මනුෂ්‍ය ශරීරයේ සාමාන්‍ය පරිදි උත්පාදනය වෙමින් පවතී. එයින් සිදුවන හානියක් නැත. එහෙත් වා, පිත්, සෙම් උත්පාදනය විසම වුණ විට ප්‍රශ්න ඇති වේ. ශරීරය විවිධ ආසාධන තත්ත්වයන්ට මුහුණ දෙනු ලැබේ. එ විට අපි එම තත්වය තුන්දොස් කිපීම යනුවෙන් හඳුන් වන්නෙමු. එය සමනය කර ගැනීමට උත්සාහ කරනෙමු. වර්තමානයේ නම් තුන් දොස් සමනය කර ගැනීම සඳහා වැඩි දෙනෙක් වෛද්‍යවරු වෙත යොමුවීමට පුරුදුව සිටිති. ඖෂධ ප්‍රතිකාර මගින් පවතින තත්වය මග හරවා ගැනීමට පියවර ගනිති. එහෙත් අතීතයේ ජීවත් වුණ අපේ පැරැන්නෝ එසේ නො කළහ. ඒ සඳහා කෙම් ක්‍රම භාවිතා කළහ. එ මතු ද නොව එමගින් සුවය ලබා ජනජීව...

  කෙම ආයුධයකින් කැපී හෝ වෙනත් විදියකින් තුවාලයක් සිදුවුණ විට කතා නො කර ඉර දෙස සෘජුව බලා පහත සඳහන් මන්තරය තුවාලයට මතුරනු. හත් වරක් මතුරන්නට පෙර ලේ ගැලීම නතර වේ. මන්ත්‍රය ඕං ඉර ඉරා ඉර බැන්දෙන් සඳ ඉරා සඳ බැන්ද්දෙන් ලේ පූට්ටු මස් පූට්ටු ඇට පූට්ට ඒස්වාහා: එහි විද්‍යාත්මක පදනම කෙම් ක්‍රම, මන්තර, රහස් ප්‍රතිකාර ක්ෂණිකව කළ හැකි වෛද්‍ය විධි හැටියට සැළකේ. එමගින් අපේ පැරැන්නෝ විපුල ඵල ප්‍රයෝජන ලැබූහ. ඉන් සුවය ලබා ජනජීවිතය සැපවත් කර ගත්හ. මෙම කෙම ද රහස් ප්‍රතිකාරයකි. මන්තරයක් ද එය හා බැඳී පවතින බැවින් ප්‍රතිඵල පිළිබඳ ව සැක පහළ කරගත යුතු නොවේ.  හේනේ කුඹුරේ ගෙවත්තේ වැඩපල කරන විට ඉදහිට වුව ද අත් වැරදීම් වලින් සිදුවන තුවාලවලට ක්ෂණික ප්‍රතිකර්මයක් හැටියට මෙම කෙම භාවිතා කිරීමට පුළුවන. නුවර කලාවියේ හේන් ගොවියන් අතර වඩාත් මෙම කෙම ප්‍රචලිත ව ඇත්තේ එ බැවිනි. දිවයිනේ සෙසු පළාත්වල ද ඉඳහිට වුව ද භාවිතා වෙන අයුරු දැකිය හැකි ය. මෙහි විශේෂත්වය වන්නේ තුවාලය සිදු වුණ විට කෑ කෝ ගසමින් අන්‍යයන් ගේ උදව් නො පැතීම ය. වහා කලබල වී වෛද්‍යවරුන් සොය නො යෑම ද තවත් දැකිය හැකි ලක්ෂණෙයකි. එමගින් සනාථ වන්නේ මෙය රහසි...

  කෙම කැලෑවේ දී පාර වැරදුණ විට දෙවියන් සිහිකර කතා නො කර අත්තක් කඩා ගසක එල්ලා එම ගස යට වාඩි වී ටික වෙලාවක් සිටිනු පාර සොයා ගැනීමට හැකි වේ. එහි විද්‍යාත්මක පදනම මීයක් කැඩීමට, ලීයක් කැපීමට, වැලක් ඇදීමට හෝ දඩයමක් කර ගැනීමට කැලයට වදින ගැමියා, එම කැලයට කෙතෙක් දුරට පළපුරුදු පුද්ගලයෙක් වුව ද පාර වැර දී අතර මං වෙන අවස්ථා විරල නොවේ. එසේ වන්නේ මං මුලා වැල් පෑගීමෙන් හෝ දේව උදහසක් නිසා යයි ඔවුහු විශ්වාස කරති.ඔවුන් ගේ නිගමනය එ ලෙස වුව ද මීට බල පැවැත්විය හැකි ඉන් ඔබ්බට ගිය කරුණු කාරණා ද නැතුවා නොවේ. ඒ පිළිබඳ ව අවධානය යොමු කිරීමේ දී යථාර්ථය කුමක් ද කියා හඳුනා ගැනීමට පුළුවන. එ වන් තත්වයකට පත්වීම මං මුලා වැල් පෑගීමක්, දෙවියන් උදහස් වීමක් වුණත් නැතත් සැබවින් ම මංමුලාවට පත් වීමකි. එ බඳු අවස්ථාවල දී ගැමියා ගේ සිරිත වන්නේ කෙම් පහන්වල පිහිට සෙවීම ය. එමගින් පිළිසරණ ලබාගෙන වන සතුන් ගහන කැලයෙන් නිරුපද්‍රිත ව එළියට යෑම ය. ඒ සඳහා ඔහු විසින් කරනු ලබන ප්‍රචලිත කෙමකි ඉහත සඳහන් වන්නේ. එය අයියනායක දෙවියන් ගේ පිහිට ඉල්ලා සිටීමක් විය හැකි ය. එසේ නැත්නම් ඒ පළාතට අධිගෘහිත දෙවි කෙනෙකු ගේ පිහිට ඉල්ලා සිටීමක් විය හැ...

  කෙම කුඹුරට හේනට වන සතුන් ගෙන් වන හානි වළකාලීමට වෙනත් කුඹුරකින් හෝ හේනකින් වී ගසේ මුල මා නැකතින් කතා නො කර ගලවාගෙන පැමිණ අවශ්‍ය ස්ථානයේ සිටවනු. වන සතුන් ගෙන් වෙන හානි වැළකේ. එහි විද්‍යාත්මක පදනම හේන, කුඹුර ආදී ස්ථානවල සැමදා ඇති පැළෑටි එම පරිසරයට ආගන්තුක නොවේ. එ බැවින් එහි පැමිණෙන සතුන්ට ද ඒවා ආගන්තුක නොවේ. හුරු පුරුදු ය. එහෙත් වෙනත් පැළෑටියක මුලක් එහි සිටවුවහොත් එම සතුන්ට වෙනසක් දැනේ. පරිසරයට ආගන්තුක යමක ආගමනය සිදුව ඇති බව උන් ගේ ඉවට දැනේ. එය එම සතුන්ට එම පරිසරය පිළිබඳ ව සැකයක් ඇතිවීමට හේතුවක් වේ. උන් ඒ ගැන වහා විමසිලිමත් වෙයි. එම විමසිල්ලේ ප්‍රතිඵලය බවට පත්වෙන්නේ, එය අනතුරුදායක තත්වයක් හැටියට නිගමනයකට එළඹීම ය. එ සැනින් එම සත්තු අනතුර පිළිබඳ ව සැලකිලිමත් වී එයින් බේරීමට ගන්නා පියවරක් හැටියට පරිසරයෙන් පළා යති.

  කෙම සෙනසුරාදා දිනයක අළුයම් කාලයේ දී කපුටා අඩන්නට පෙර කතා නො කර ඔලිඳ වැලක් ළගට ගොස් මුලක් ගලවාගෙන පැමිණ බාලගිරි දෝෂය ඇතැයි සැලකෙන දරුවාගේ ඉනේ බදිනු. බාලගිරි දෝෂය දුරුවේ. එහි විද්‍යාත්මක පදනම නිතර දරුවන් හඬන විට අපේ වැඩිහිටියන් ගේ නිගමනය වන්නේ එය බාලගිරි දෝෂය නිසා සිදුවෙන දෙයක් හැටියට ය. එ විට ඔවුහු එම දෝෂය වැලැක්වීමට සඳහා නොයෙකුත් ශාන්ති කර්ම සහ කෙම් පහන් දරුවා ගේ සුවය පතා සිදු කරති. කොට්ටයට යන්ත්‍ර ලියවා පේකර දැමීම, කෙම් කිරීම යනාදිය ඒවා අතර දැකිය හැකි ය.  මෙහි සඳහන් වන්නේ ද ඒ හා සමාන බාලගිරි දෝෂය දුරු කළ හැකි ශක්තිමත් විද්‍යාත්මක පදනමක් සහිත කෙම් ක්‍රමයකි. මෙම කෙම ක්‍රියාත්මක කිරිම සඳහා සෙනසුරාදා දිනයක් ම තෝරාගත යුතු ය. සතියේ අන් දවසක කළහොත් එය බලරහිත වේ. සෙනසුරාදා ඒ සඳහා කාලයක් නියම කොට ඇත. ඒ අළුයම් කාලය යි. අළුයම් කාලයේ දී කාක්කා අඩන්නට පෙර ය. ඊට හේතු කාක්කා ඇඬීමත් සමග ම අළුයම් කාලය නිමාවට පත්වන බැවිනි. ඒ වගේ ම කෙම විසින් තෝරා දී ඇති මෙම කාලය අදාළ ක්‍රියාවට ඉතාමත් සුදුසු ය. එසේ සඳහන් කළ හැක්කේ රාත්‍රී කාලයේ සක්‍රියම අවස්ථාව එය වන බැවිනි. ගස් වැල් නව ජීවයෙන් උද්දාමයට ...

කෙම කුරුවල් පල දරන පොල්ගස් ඇත්නම් එම ගසට සම්පූර්ණ කඳ ඇතුළට වදින පරිදි පරාල ඇණයක් ගසනු. මාස කීපයකින් කුරුවල් පල දැරීම මුළුමනින් ම නතර වේ. එහි විද්‍යාත්මක පදනම සමහර ගෙවතුවල සරුවට පල දැරුවත් එම ගෙඩි කුරුවල් වෙන පොල්ගස් කලාතුරකින් වුව දැකිය හැකි ය. මෙම තත්ත්වය නිසා එම ගස්වල ගෙඩි ප්‍රයෝජනයට ගැනීමට නුපුළුවන. ඊට හේතු ව බාගෙට පැසී කලටි වයසට එළඹෙන විට සියලු ම ගෙඩි කුරුවල් වී බිම වැටීම ය. මෙ ලෙස පොල්පල කුරුවල් වී බිම වැටීමට හේතුවන කරුණු කීපයක් ඇත. ඉන් පළමු වැන්න ගෙඩි බහුල පොල් ඉති ගසට දරා ගැනීමට නුපුළුවන් වීම ය. එ විට නටුව කඳෙන් නො ගැලවුණත් බුරුල් වීම නිසා එම ඉත්තේ ගෙඩි කුරුවල් වී බිම වැටේ. දෙවන කාරණය පොල් ගස උපතින් ම කිසියම් දුබලතාවයකින් යුක්ත වීම ය. ඊට හේතු ව කුරුවල් පොල් ගෙඩියක් පැළ වී වැවුණ ගසක් ය යන්න ගැමියන් ගේ මතය වී තිබේ. මෙම දෙයාකාරයෙන් ම පැහැදිලි වෙන්නේ ගසේ පවත්නා යට කී දුර්වල තා මත පොල් ඉති නිසි ලෙස පලදරා පැසීමට හැරිය නො හැකි තත්වයක් උද්ගත වී ඇති බව ය. ඊට පිළියම් වශයෙන් මහා පරිමාණයේ වැවිලි කරුවෝ ගන්නා පියවර එම ගස් කපා ඉවත් කොට අළුතෙන් පැළ සිටුවීම ය. එහෙත් ගම්බද ගෙවතු හිමියෝ එ ලෙස...