නවදැලි හේන - අලුතින් ගිනිලා වපුරන හේන
අත්දඩුවා හේන - අත් දණ්ඩක් තරම් ගස් කපා වපුරන හේන
හේන් කනත්ත - නිසරු හේන / කන්න කීපයක් වගාකර ඉවත දමා තිබෙන හේන් විශේෂයන්
ඉරවැල්ල - එකදිගට දික් අතට හේන් වැපිරීම
මුල්කැටා හේන - කරත්ත රෝදයක් මෙන් වටේටෙ සිටින ලෙස එහි ඇතුළත කොටස් ගොවීන් වෙත වෙන් කරගෙන
වපුරන හේන්
හෝලි මූකලාන - ඝන වනාන්තරය
මඩතාවලු හේන - වැවේ මඩ තාවල්ලේ වපුරන හේන
මූකලාන - මේරූ ගස් සහිත කැලෑව
හේන් ගෙවදීම - හේන් කෙටීම
හේන් පුරනවා - කැලෑ කපා හේන් වැපිරීමට කටයුතු පිළියෙල කිරීම
මාරං කෙටීම - හේන් එළිකිරීමට පෙර හේන්නේ මග මායිම් සලකුණු කිරීම
ඔන්ත දෙනවා - හේන් කොටන විට සම්මතයන් බින්ද පසුව කිසියම් දඩයකට යටත් කිරීම
වාංහං /වාංපතුල් - හේන් කොටන විට කකුලේ කටු ඇනෙන හෙයින් නූතන සෙරෙප්පු මෙන් ගෝන හෝ මුව හම්වලින් තනාගත් මෙවලමක්
කැතිබෙරය -කැති තලය ලී මිටට සවිකරන ස්ථානයේ ලීයේ ආරක්ෂක්ෂාවට පිටතින් යොදන යකඩ විල්ලයි
හේන් එළිකිරීමට පෙර හේන්නේ මග මායිම් සලකුණු කිරීම
පොං කිරිම - හේන් ගිනිලෑමට පහසුවන ලෙස ගස් අතු හා කඳන් කොටස්වලට කැපීමයි.
මැල පිස්සීම - හේන් ගිනිතැබූ පසුව ඉතිරි වූ කුඩා කොටස් එකතුකර ගිනිලෑම
මීමිනිකුරය - මීමින්නාගේ කුරය මෙන් හැඳින් යටට හා දෙපසින් උසට හිටින ලෙස හේනේ ගස් කැපුම් රටාව
හාකනට කපනවා - කුඩාගස් එක පෙත්තට කපා දැමීම
හිරිකණු - ගිනිලෑ පසුව හේනේ ඉතිරිවන ගස්වල මුල් කොටස්
දඬුවැට - හේන් වැට වටා දඬු හෙවත් ලී යොදාගෙන බඳින වැට
දඹුවැට - අලි පැමිණෙන විට එය වැළැක්වීමට හේනේ විශාල කොටන් ගොඩගසා තනන වැටයි
ගදැල්ලකරුව - හේනේ ඉතිරිවන කුඩා කොටස් එකතුකර ගැනීමට ලී කරුතුනක් හෝ හතරක් සහිතව තබාගන්නා රිට
ගැදැල්ල ගහනවා - ගැදැල්ලකරුව ආධාරයෙන් අතුගෑම නැතිනම් රොඩු රාහි කිරීම
කුරහන් පයියන් - කුරහං පොතු හෝ දහයියා
ලීමා - මෑකරල් වර්ගයක්
තියඹරා - ලපටි පිපිඤ්ඤා
ගඩාගෙඩි - හේනේ බව බෝග
කට්ටා පැල - බිම තනන පැල
ගස් පැල - ගස් උඩ තනන පැල
ගෝලි ගානවා- ශබ්ද කරනවා
ජෝ ගානවා - හේනේ වදුරන් රිලවුන් එළවා දැමීමට කෑගැසීම
හබක - ගල් හා බර දෑ රඳවා තබා එයට සතුන් හසුකර ගන්නා ඇටවුම
පුස්සා කනවා - පුළුස්සා කෑමට ගන්නවා
පන්නන් කැත්ත - කුරක්කං හෝ තල කපන කැත්තයි
නියඹලාව - හේන් පලා කොළ ජාති හතක් යොදා හදන මැල්ලුමයි
Comments
Post a Comment