තම සිරුරේ ස්වභාවය පිළිබදව දුක් වෙන්නත් බොහෝ වෙති. ඔවුන් අතර තරබාරු අය මෙන්ම ඇඟ කෙට්ටු අය ද සිටිති. සමහරුන්ට විදේශ රැකියා සඳහා යාමට නම් සිරුරේ නියමිත බරක් තිබිය යුතුය. ලේ දන් දීම සඳහා වුවද නියමිත බරක් තිබිය යුතුය. බොහෝ තරුණියන් විවාහ වීමට පෙර තම කෙට්ටුව මට්ටු කර ගැනීමට පෙළඹෙන්නේ රූප සොබාව සඳහාය. අපේ පවුලේ කවුරුත් කෙට්ටුයි. කෙට්ටු වීමට ප්‍රවේණිය බලපානවද? සමහර අය උපතින්ම කෙට්ටු සිරුරක් ඇති අයයි. ඔවුන් හඳුන්වන්නේ එටෝමෝෆික් අය ලෙසයි. සමහරු උපතින්ම මහත අය. ඔවුන් එක්ටෝමෝෆික් යන නමින් හඳුන්වනවා. වැඩිපුර ඇගේ තෙල් තැන්පත් වීමයි. එයට හේතුව. සාමාන්‍ය ජන සමාජයේ සෙම් ඇඟ නැත්නම් "ජොල්" ඇඟ ලෙස හඳුන්වන්නේ ඒ අයයි. ඇගේ මස්පිඩු හොඳින් වැඩුනු අය හඳුන්වන්නේ මීසොමෝ දේහයක් සහිත අය ලෙසයි. මෙම ප්‍රධාන දේහ කාණ්ඩ තුන අතරට වැටෙන අයත් ඉන්නවා. ආහාර පාන නිසිලෙස ගත්තත් සිරුරේ හැඩයට බලපාන ප්‍රධාන සාධකයක් තමයි ප්‍රවේණිය හෙවත් ජාන. මම ඉස්සර හොඳ උස මහතට හිටියා. ඒ වුනාට පසුගිය මාස කිහිපය තුළ කෙට්ටු වුනා. කෙට්ටු වීම රෝගයක් ද? කෙනෙකුගේ බර සති කිහිපයක් ඇතුළත කිලෝ 2.5කට වඩා අඩු වුනා නම් ඒකට හේතුව රෝගී තත්වයක් ...

  HCG test හෙවත් ගර්භණීභාවය බලා ගැනීම සඳහා කරනු ලබන මුත්‍රා පරීක්ෂාව ගර්භණීභාවය හඳුනා ගැනීම සඳහා කළ හැකි ඉතාමත් විශ්වාසවන්ත ඉක්මන් පරීක්ෂක්ෂාවයි. ගර්භණී  වූ පසු පළමුවෙන්ම කළ යුත්තේ කුමක්ද? ඒ පිළිබඳව ප්‍රදේශයේ පවුල් සෞඛ්‍ය සේවා නිලධාරිනියට දැන්වීම සහ පවුලේ වෛද්‍යවරයා හමු වී ඊළඟට ගත යුතු ක්‍රියාමාර්ගයන් පිළිබඳව සාකච්ඡා කිරීම ඉතා වැදගත්. මෙහිදී අවසන් වරට මාස් ශුද්ධිය ඇති වූ දිනය මතක තබා ගෙන වෛද්‍යවරයාට පවසන්න. එවිට ඔහු දරුවා බිහිවීමට නියමිත දිනය නිවැරදිව ගණනය කරාවි. දරු ගැබේ ස්වභාවය පිළිබඳව දැන ගැනීම සඳහා ස්කෑන් පරික්ෂණයක් කිරීමත් වැදගත්. එමගින් කළලය පිහිටි ස්ථානය සහ කළල ගණන දැනගන්නට පුළුවනි. ගර්භණීභාවයට අදාල සියලුම සටහන් ඇතුලත් කොට ලිපි ගොනුවක් සකසා ගත්ත. ගර්භණී මවක් සායනයට ගිය විට කරනු ලබන පරික්ෂණ මොනවාද? 1. UFR- මුත්‍රා පරික්ෂාව 2. Hb%- රුධිරයේ හිමොග්ලොබින් පරික්ෂාව. 3. PPBS- ආහාර ගෙන පැය දෙකකට පසු රුධිරයේ ඇති ග්ලූකෝස් ප්‍රමාණය.   4. VDRL- උපදංශ රෝගය වැළදී ඇත්දැයි හඳුනා ගැනීම සඳහා කරන රුධිර පරීක්ෂාව. 5. Blood grouping and Rh- ඔබගේ රුධිර කාණ්ඩය හඳුනා ගැනීම සඳහා ක...

1.මලබද්ධයට නොවරදින බෙහෙත් - තන්තු අඩංගු ආහාර ගන්න. වැඩිපුර ජලය පානය කරන්න. ව්‍යායාමයෙහි යෙදෙන්න. 2.සමහර ඖෂධ වර්ග නිසා ද මලබද්ධය ඇති විය හැක. 3. ඉවත් බවක් නැතිව විරේක පෙති ගැනීම භයානකයි. මලබද්ධය හෙවත් බඩ වේලුම ගැන ශ්‍රී ලාංකියන් වන අප දක්වන්නේ දැඩි අවධානයකි. උනන්දුවකි. දිනපතා හොදින් මලපහ වීම නිරෝගිකමේ ලක්ෂණයක් ලෙස බොහෝ අය සලකති. දිනපතා මලපහ නිසා ආහාර මාර්ගය තුළ එකතු වන අප ද්‍රව්‍යවල විෂ ලේලට උරාගෙන සිරුරට අපහසුතාවයකුත් ලේවට උරාගත් විෂ හිසට (මොළයට) ගැසීමෙන් හිසරදය සහ මානසික තත්ත්වය අවුල් වියවුල් වන බව විශ්වාස කරන මිනිසුන් තවමත් අප සමාජයේ සිටිති. එය ගස් යට විරේක පෙති විකිණීම ජීවිකාව කරගත් හොර දොස්තරවරුන් විසින් ජනතාවගේ හිස් ගෙඩි තුළට ඇතුල් කළ විශ්වාසයකි. එම විශ්වාසයේ නම් කිසිදු සත්‍යයක් නැති බව කිව යුතුමය. සමහර අයට දින 2 - 3 කට වරක් ස්වාභාවික ලෙස මලපහවීම සිදුවීමට පුළුවන. කලාතුරකින් සතියකට වරක් වුවද මලපහ කරන නිරෝගි මිනිසුන් ද සිටිති. එතකොට මලබද්ධය කියන්නේ මොකක්ද? මලබද්ධය පිළිබඳ අර්ථකථනය පුද්ගලයාගෙන් පුද්ගලයාට වෙනස් වේ. මලපහ කරන විට කිසිදු අපහසුවක් නැති මෘදු වූ මල ඔබ සෑහීමකට පත්වූ අයුර...

  1. ඇග සුදුමැලි වී ඇත්නම් එය රක්තහීනතාවය යැයි සිතා ෆාමසියෙන් විටමිනයක් ගෙන ගිලීම වැරදියි. 2. රක්තහීනතාවය යනු රෝග ලක්ෂණයක් පමණයි. 3.ඇගේ ලේ අඩු වී ඇත්තේ කිනම් රෝගයක් නිසා දැයි විනිශ්චය කිරීම වෛද්‍යවරයෙකුට භාරදෙන්න. එය සුළු රෝගයක් නිසා මෙන්ම භයානක රෝගයක් නිසාද විය හැකියි. සාමාන්‍ය වැඩිහිටියෙකුගේ සිරුර තුළ ලේ පයින්ට් අටක් පමණ ඇත. සංවෘත වූ රුධිරවාහිනි පද්ධතිය තුළ ඇති මේ රුධිරය හෘදය වස්තුව මගින් සිරුර පුරා පිහිටි පටක කරාත් ඉන්පසුව නැවතත් හෘදය වස්තුව කරාත් ධාවනය වෙමින් පවතී. මෙම රුධිර ධාවනය නැවතී මිනිත්තු කිහිපයකින් පටක වලත් මිනිසාත් මරණය සිදුවෙයි.  රුධිරයෙහි රතු පැහැයට හේතු වී ඇති සංඝටකය කුමක්දැයි ඔබ දන්නවාද? ඒ තමයි රතු රුධිරානු හෙවත් රතු රුධිර සෛල, තවත් නිවැරදිව කියනවා නම් රතු රුධිර සෛලවල රතු පැහැයට හේතු වී ඇත්තේ ඒවා තුළ පිහිටි හිමොග්ලොබින් නම් වර්ණකයයි. රතු රුධිරානු වලින් කෙරෙන කාර්යය කුමක්ද? අප හුස්ම ගන්නා විට පෙනහළු කරා ඇදී එන වාතයෙහි අඩංගු ඔක්සිජන් නම් වායුව රතු රුධිරානුවල පිහිටි හිමොග්ලොබින් වර්ණකය මගින් උරාගෙන නැවත හෘදය වස්තුවට ගොස් එහි සිට ශරීරය පුරා පිහිටි පටකවල සැම ස...

  1ළමුන්ගේ බඩ ඇතුලේ කුරුමිණියන් හැදෙන්නේ නැත. 2 . මළපහ සමග කුරුමිණියන් දකින්නට ලැබෙන්නේ එළිමහනේ මළ පහ කරන විට පමණයි. 3. කුරුමිණියන් නිසා මන්ද පෝෂණය ඇති නොවේ. මගේ දරුවාගේ වයස අවුරුදු 4 යි. තවමත් මළපහ කරන්නේ මිදුලේ. මළපහ එක්ක කුරුමිණියො පිටවෙනවා. අපේ අම්මා කියන්නේ දරුවට කුරුමිණි මාන්දම කියලා. ඇත්තටම ඒකත් මාන්දම් රෝගයක් ද? කෙනෙකුගේ මළපහවලින් කුරුමිණියන් පිටවීම "කුරුමිණි මාන්දම" කියලා තමයි සාමාන්‍ය ජනවහරේ හඳුන්වන්නේ. එහෙත් කුරුමිණියන් පිට වූ පලියට මාන්දම නැතහොත් මන්දපෝෂණය ඇති වෙනවා කියල කියන්න බැහැ. කුරුමිණියන් මළපහ සමග පිටවීම ගැන වාර්තා වී තිබෙන්නේ ලංකාව සහ ඉන්දියාව වැනි රටවල වෙසෙන ළමුන් අතරෙයි. එහෙත් නවීන වෛද්‍ය විද්‍යාව මගින් එය මන්දපෝෂණය ඇති කරන රෝගයක් ලෙස නම් හඳුනාගෙන නැහැ. නවීන වෛද්‍ය විද්‍යාව මඟින් මළපහ සමග කුරුමිණියන් පිටවීම හඳුන්වන්නේ කුමන නමකින් ද? මළපහ සමග කුරුමිණියන් පිටවීම හඳුන්වන්නේ Scarabiasis (ස්කැරබිඒසිස්) කියලයි. මළපහ සමග කුරුමිණියන් පිටවීම යන්නයි එයින් කියවෙන්නේ. ශ්‍රී ලංකාවේ බොහෝ ගම්බද ප්‍රදේශවල ජීවත් වෙන කුඩා දරුවන් අතර මේ රෝගී තත්ත්වය දක්නට ලැබෙනවා. මන්...

  පිලිකාව යන වචනය පිළිබඳව නොදන්නා කෙනෙකු නැති තරම්ය. නමුත් එහි නියම අරුත දන්නේ ඉතාම ස්වල්ප දෙනෙකු බව නම් පැහැදිලිය. කකුලේ හෝ ඇගිල්ලේ කටුවක් ඇනුණු විට හටගන්නා ගැටිත්ත සමහරු හඳුන්වන්නේ කටු පිලිකා ලෙසය. එහෙත් එය පිළිකාවක් නොවේ. එය කිසිදිනක පිළිකාවක් බවට පත්වන්නේ ද නැත. යම්  කෙනෙක් එය මත ඖෂධයක් ගල්වා හෝ සැත්කමක් මගින් ඉවත්කොට එම පිලිකාව නිට්ටාවට සුව කලා යැයි පැවසිය හැකිය. එහෙත් ඇත්ත වශයෙන්ම එහිදී සිදුවුයේ පිලිකාවක් සුව වීම නොවේ. පිලිකාවක් නොවන දෙයක් පිලිකාවක් යැයි හඳුන්වා එය සුව කිරීමයි. එබැවින් පිළිකා පිළිබඳව මූලික දැනුමක් අප සමාජයේ ජීවත් වෙන හැම කෙනෙකුටම තිබිය යුතු යැයි සිතමි.එංගලන්තය, ඇමරිකාව, කැනඩාව සහ නවසීලන්තය වැනි සංවර්ධිත රටවල සෑම රෝහලකම පාහේ රෝග පිළිබඳව ජනතාව දැනුවත් කිරීම සඳහා පත්‍රිකා සහ කුඩා පොත් මුද්‍රණය කර නොමිලේ බෙදාහරිනු ලැබේ. එමගින් නූගත් ජනතාව දැනුවත් වේ. එහෙත් අප රටේ එවැන්නක් සිදු නොවේ. නූගත් ජනතාව පිලිකාවට තිත තැබිය හැකි යැයි කියමින් බොරු ප්‍රතිකාර හඳුන්වාදෙන කූඨ වෙළෙඳුන්ට රැවටෙන්නේ එබැවිනි. අප සිරුර ගොඩ නැගී ඇත්තේ කෝටි සංඛ්‍යාත පියවි ඇසට නොපෙනෙන සජිවි සෛල...

  අක්මාව තුළ තැනෙන පිත තැන්පත්කර තබන්නේ පිත්තාශය තුළය. වරින්වර එයට පීත්ත ප්‍රණාල දින්ගේ කුඩා බඩවැලේ ග්‍රහණියට මුදාහරිනු ලැබේ. එහි ඇති ආහාර පිත සමඟ මිශ්‍ර වීම නිසා මේදය ජීර්ණය වීම සිදුවේ. පිත්තාශය තුළ එක්වන පිතෙහි තෙල් සහ කොලෙස්ටරෝල්  සාන්ද්‍රණය අධික වූ විට ඒවා ඝණ වී ගල් ඇති වේ. පිත්තාශයේ ඇති ගල් නිසා වේදනාවක් හෝ වෙනත් රෝග ලක්ෂණ නොමැති වුවත් කුඩා ගලක් පිත්ත ප්‍රණාලයේ හිර වුවහොත් එතැනින් පහළට පිත ගමන් කිරීම අවහිර වේ. එවිට පිත නැවත රුධිරයට එකතු වීම නිසා ඇඟ කහ පාටට හැරේ. එය සෙංගමාලය ලෙස හඳුන්වනු ලැබේ. පිත්ත ප්‍රණාලයේ හිසේ හිර වූ ප්‍රදේශයේ හට ගන්නා ප්‍රදාහ තත්ත්වය නිසා උදරයේ ඉහල සහ දකුණු පස අධික වේදනාවක් ද ඇති විය හැකිය. එම වේදනාව දකුණු උරහිස සහ ගෙල ප්‍රදේශය දෙසට පැතිරිමට ද පුළුවන පිත්ත ප්‍රණාලයේ ගල් හිර වූ විට හට ගන්නා වේදනාව අධික තෙල් සහිත ආහාර වේලකින් පසු වැඩිවන අතර එය පැය කීපයක් රඳා සිටිය හැකිය. උදරයේ ඉහළ කෙළවර වේදනාව සමග වමනය සහ ඔක්කාරය ඇති විය හැකිය. පිත්තාශයේ ගල් සහ පිත්තාශයේ ප්‍රදාහ තත්ත්වයන් වැඩිපුර ඇතිවන්නේ මැදි වියේ පසුවන තරබාරු කාන්තාවන්ට ය. තෙල් අධික ආහාර අඩු කිරී...

  දත්වල පණුවන් නැත. දත්වල පණුවන්ට ජීවත් විය නොහැක. සිදුවන්නේ දත්වල සහ දත් අතර රැදෙන ආහාර (පිටි සහ සීනි) මත බැස්ටීරියාවන් වර්ධනය වී පැහීමකට ලක් වී එතැන පළමුවෙන් මද්‍යසාරයෙන් දෙවනුව විනාකිරිත් (ඇසිටික් අම්ලය) නිෂ්පාදනය වීමයි. එසේ නිෂ්පාදනය වූ ඇසිටික් අම්ලය මගින් දතේ ඇති කැල්සියම් පොස්පේට් ඉවත් කිරීම නිසා දත දියවී කුහර තැනීම හෙවත් දන්ත ව්‍යසනය සිදු වේ. මෙම කරුණු පහදා දෙනු ලැබුවේ 1890 දී මිලර් නමැති වෛද්‍යවරයා විසිනි. එහෙත් තවමත් දත්වල පණුවන් සිටිනවා යැයි විශ්වාස කරන අය ද අප රටේ සිටිති. * මා දත් මදින විට විදුරුමසින් ලේ ගලනවා. ඒකට හේතුව කුමක්ද? විදුරුමස් වලින් රුධිරය ගැලීමට ප්‍රධාන හේතුව එය බැස්ටීරියා ආසාදනයට ලක් වීමයි. දත්වල බැඳී ඇති මැලියම්වල ජීවත්වෙන ලක්ෂ සංඛ්‍යාත බැස්ටීරියාවන් විසින් නිපදවනු ලබන අපද්‍රව්‍ය සහ විෂ ද්‍රව්‍ය හෙවත් ටොක්සීන මගින් විදුරුමස් හි ප්‍රදාන තත්ත්වයක් ඇති කරනු ලබයි. එවිට විදුරුමස රතු පැහැවීමත්, ඉදිමීමත්, සැරව ගැලීම, හෝ සැරව ගෙඩි ඇති වීමත් සිදු වේ. දත් මදින විට විදුරුමසින් ලේ ගැලීම ද සිදු වේ. විදුරුමසින් ලේ ගැලීමට ප්‍රධාන හේතුව එය වූවත් විදුරුමසට සිදුවන වෙනත...

  1. පීනස යැයි විද්‍යාත්මකව අර්ථ දැක්විය හැකි එක රෝගයක් නැත. 2. එය විවිධ රෝග කීපයකින් ඇති වන එකම ආකාරයේ රෝග ලක්ෂණ සමූහයකි. "හචිස්... හා චිස්... හා චිස් හාචි.." හන්සේ බැහැ කිඹුහුන් යාමේ සීමාවක් නැහැ. "සුරුස්, සුරුස්... මෙන්න ඒ පාර නහයෙන් දියර ගලන්න පටන් ගත්තා. වතුර වගේ බේරෙනවා.නිමල් ලේන්සුව ඇදගෙන නාප්පුඩු මත තබා ගත්තේය. "මොකද නිමල් බැලුවොත් ඇත්නම් නහයේ ලේන්සුව ඔබාගෙන” සුනිල් විමසුවේය. "මට පීනස් අමාරුව.” * ඇත්තටම පීනස කියල හඳුන්වන්නේ කිනම් රෝගයක් ද? ඒක උත්තර දෙන්න අමාරු ප්‍රශ්නයක්. පීනස කියල සිංහල ව්‍යවහාරයේ බහුලව භාවිතා කළත් එය විද්‍යාත්මකව අර්ථ දැක්විය හැකි එක් රෝගයක් නම් නොවේ. නවීන වෛද්‍ය විද්‍යාවේ විස්තර කෙරෙන නාසය හා සම්බන්ධ විවිධ රෝග කිහිපයක්ම පීනස හා සම්බන්ධ බව නම් කිව හැකියි. *පීනසට තුඩු දෙන විවිධ රෝග මොනවද කියල කියමුකො බලන්න..? නාසයෙන් දියර, සොටු හෝ කලාතුරකින් රුධිරය ගැලීම පීනස නිසා සිදුවෙනවා යයි සාමාන්‍ය ජනයා හඳුන්වනවා. මීට අමතරව නිතර නිතර සොටු දියර නාසයේ පිටුපසින් උගුරටම ගලනවා නම් එයද පීනස නිසා සිදුවන්නක් ලෙසයි හඳුන්වන්නේ නාසයේ බරගතිය, නාසයේ තද ගත...

  1. සෙම්ගෙඩි ඇති වූ විට කළ යුතු ප්‍රතිකාර හෙම්බිරිස්සාව වැළඳුණු විට කරන ප්‍රතිකාරවලට සමානයි. 2. බුබුළු නංවමින් උගුර සේදීම නුවණට හුරු නැත.   3.විශාල සෙම්ගෙඩි නිසා ආහාර ගැනීම අපහසු වේ. එය අවුරුද්දකට හතර - පස් වතාවක් මතුවේ නම් ඔබේ වෛද්‍යවරයා සැත්කමක් කළ යුතු දැයි තීරණය කිරිම සඳහා උගුර, කණ නාසය පිළිබඳ විශේෂඥ වෛද්‍යවරයකු වෙත යොමු කරාවි. අප කාගේත්තේ උගුරේ දෙපස පිහිටා ඇති ටොන්සිල්ස් (Tonsilis) | හෙවත් සෙම් ගෙඩි, වසාවාහිනී පද්ධතියේ එක් අංශයක් වන වසා ගැටිත්තක් (කුද්දටි විශේෂයක්) ලෙස හැඳින්විය හැකිය.ඇතුලු වන රෝගකාරක විෂබීජ විනාශ කිරීම එහි ප්‍රධාන කාර්යයයි. එහෙත් සෙම් ගෙඩි රෝග කාරක විෂබීජ නිසා රෝගාතුර වන (ආසාදනයට පත්වන) අවස්ථා එමටය. එවිට අපි ටොන්සිල් ප්‍රදාහය හෙවත් Tonsilitis ඇති වුණා යයි කියමු. අයට නිතර ටොන්සිල් ප්‍රදාහය ඇතිවීම හේතු කොටගෙන ක්‍රම ක්‍රමයෙන් ඒවා විශාල විය හැක. මුඛය විවෘත කළ විට උගුරේ දෙපස ලොවි ගෙඩි දෙකක් තරමට විශාල වූ සෙම්ගෙඩි සමහරවිට දක්නට ලැබේ. විශාල වූ සෙම්ගෙඩි නිසා ඇති වන රෝග ලක්ෂණයකි ගිලීමේ අපහසුව. මෙය කලාතුරකින් සිදුවන්නකි. උගුරේ සෙම්ගෙඩි සමඟ නාසය පිටුපස ප...

* මගේ ඇගට සත පහක පණ නෑ. කරන වැඩ නම් එමටයි. ඒත් කිසි දෙයක් කරන්න හිතෙන්නෙ නැහැ. ඕක එක්කෙනෙකුට විතරක් තියෙන ලෙඩක් නෙවෙයි. මගෙන් ප්‍රතිකාර ගන්න එන බොහොම අයට තියෙන ලෙඩක්, ඔය ඈලිමෑලි දුබල ගතිය. දැන් බලන්න පසුගිය දවස්වල මටත් ඔය ලෙඩේ තිබුණා. කිසි වැඩක් කරන්න හිතුණෙ නැහැ. * ඈලිමෑලි දුබල ගතියට හේතුව වැඩ වැඩිකම විතරක්ද? වැඩි දෙනෙකුගේ ඇඟපතේ තෙහෙට්ටුවට හේතුව වැඩපල අධිකකම සහ නිදිමැරිම තමයි. ඒත් තවත් සමහර අයට ඈලිමෑලි දුබල ගතිය ඇති වෙන්නෙ, මානසිකව ඇති වන අවපීඩනය හෝ " කාන්තාව නිසයි. සමහර අයට උදේ කාලයේ වැඩට ගියාම ඈලිමෑලි දුබල ගතිය. හැබැයි හවස ක්ලබ් එකට ගියාම තෙහෙට්ටුව ඉම්ම නැතික්වෙලා යනවා. අපේ අම්මා ගෙදර ඉන්න කොට, ඇඟපතට පන නැති වග කියනවා. පහුගිය දවස්වල දඹදිව වන්දනාවේ ගියා. ඒ දවස්වල කිසි තෙහෙට්ටුවක් නැහැ. ආයෙමත්පරණ ලෙඩේ හැදුණා ගෙදර ආවම. ඒ වගේ අයගෙ තෙහෙට්ටුවට බලපාන්නේ ඔවුන් ජීවත් වන පරිසරය හා ඔවුන්ගේ ජීවන රටාවයි. කෙසේ වෙතත් තෙහෙට්ටුවට හේතුකාරක විය හැකි තදබල කායික රෝගාබාධ කිහිපයක්ද තිබෙන බව අප දැන සිටිය යුතුයි. එය ද ක ල සුදු මල් පහන් 49 රක්තහීනතාවය හෝ තයිරොයිඩ් ග්‍රන්ථියේ ක්‍රියාකාරිත්වය හීනවී ය...

1. කටින් දුගඳ හැමීම වෙනත් ඉන්ද්‍රියයන්ගේ රෝගී තත්වයන් නිසාද ඇති විය හැක. 2. එහෙත් වැඩිපුරම මුඛයෙන් දුගඳ හමන්නේ, මුඛය තුළ ඇති අපිරිසිදුතාවය නිසායි. 3. සමහර ඖෂධ භාවිතයේදීත් කටින් දුගඳ හැමිය හැක. "වාඩි වෙන්න, මොකක්ද අසනීපෙ " * ඩොක්ටර්, මම මෙයා බැඳල තවම සුමානයක් වත් නැහැ මෙයාගෙ කට ගදයිනෙ. ඉතින් ලැජ්ජාවට ඒක ගැන කතා නොකර ඉන්න එකේ තේරුමක් නැහැනෙ. මං ඔන්න එක්කරන්ගෙන ආවා බෙහෙත් ගන්න කියල." අලුත් මනාලිය ඔහු ප්‍රතිකාර සඳහා වෛද්‍යවරයාට ඉදිරිපත් කළේය. "ඔව් ඒක බොහොම හොඳයි. සමහර අයට තමන්ගේ කට ගඳ ගහන බව තේරෙන්නේ නැහැ. ඔහුගේ හෝ ඇයගේ ආග්‍රහණ ඉන්ද්‍රියන් කලක් තිස්සේ ඒකට පුරුදු වෙලා. අලුතෙන් ළං වෙන අයට තමයි ඒ වෙනස දැනෙනෙ . තවත් සමහර අයගේ කට ඇත්ත වශයෙන්ම ගඳ නැහැ. ඒ වුණත් ඔවුන් හිතන්නේ ඔවුන්ගේ කටේ ගඳ අහල පහල ඉන්න අයට දැනේවි කියල. ඒ ගැන දුක් වෙනවා. ඒකත් එක විදියක මානසික රෝගයක්. * කට ගඳ ගහනවා කියන එක රෝගයක්ද? එහෙම නැත්නම් රෝග ලක්ෂණයක් පමණක්ද?   ඒක රෝග ලක්ෂණයක් පමණයි. ඉංග්‍රීසියෙන් හදුන්වන්නේ Halitiosis කියල විවිධ රෝග රාශියක් නිසා කෙනෙකුගේ කටෙන් දුගඳ හමන්නට පුළුවනි. සමහර විට සිරුරට වැළ...

සාර්ථක ව්‍යායාමයක් සඳහා සූදානම් වීමේදී ඉතාමත් සැලසුම් සහගතව අවශ්‍යතාවයන් සහ හැකියාවන් හඳුනාගනිමින් සූදානම් විය යුතුය. කෙතරම් සූදානම් වුවත් ව්‍යායාම කිරීමේදී ප්‍රායෝගිකව අභියෝගවලට මුහුණ දීමට සිදු වේ. පරිසර බාධා මෙන්ම පුද්ගලයන් තුළින්ම ඇති වන බාධා ලෙස ඒවා හඳුනාගත යුතුය. කෙසේ වෙතත් පුද්ගලයකුට ඇති අභියෝග හඳුනාගත් විට ඒ අභියෝගවලට කල් තබා සූදානම් වීමෙන් දීර්ඝ කාලයක් ව්‍යායාම කිරීමට හැකි වනවා සේම ව්‍යායාමවලින් ලැබෙන ප්‍රතිලාභ සම්පුර්ණයෙන් ලබාගැනීමටද හැකිය. ව්‍යායාමයට සූදානම් වන බොහෝ දෙනෙකුට පැන නැගෙන ප්‍රධාන ගැටලුවක් වන්නේ ව්‍යායාමයක් සඳහා කාලය නොමැති වීමයි. සාර්ථක ව්‍යායාමයක් සිදුකොට බලාපොරොත්තු වන ඉලක්කය ගැන සිහිනයක් ඇත්නම් තමන්ගේ එදිනෙදා කටයුතු අතර, නොවැදගත් වන කරුණු හැඳිනගත යුතුය. ඒ සඳහා ගත වන කාලය ව්‍යායාම සඳහා යොදාගත හැකිය. පළමුවෙන්ම සතියකට දින 3ක් අඩුම තරමේ විනාඩි 30ක කාලයක් ව්‍යායාම කිරීමට කාලය වෙන් කරගත යුතු අතර එම ව්‍යායාමවලින් ලැබෙන ප්‍රතිලාභ මගින් ව්‍යායාම සඳහා උනන්දුව වැඩිවනු ඇත. ලැබෙන ප්‍රතිලාභ අතර ශරීරය සැහැල්ලු ගතියෙන් පේශිවල ශක්තිය වැඩි වීම, ආත්ම විශ්වාසය ගොඩනැගීම, උදරය ...

ඕනෑම පුද්ගලයකුට සෑම ව්‍යායාමයක්ම සුදුසු නැත. ඒ පුද්ගලයාගේ අවශ්‍යතාවය සහ හැකියාව අනුව සුදුසු ව්‍යායාමය තෝරාගත යුතුය. විශේෂයෙන්ම එහිදී වයස, ශරීරයේ බර, දැනට ඔහුගේ කායික යෝග්‍යතාවය, ඔහුට ඇති සෞඛ්‍ය ගැටලු සහ ඔහුට ඇති ආබාධ සැලකිල්ලට ගත යුතුව ඇත. වයස වයසින් වැඩි පුද්ගලයන් ව්‍යායාම කිරීමේදී විශේෂිත ආරක්ෂිත ක්‍රම අනුගමනය කළ යුතුය. කෙසේ නමුත් වයස අවුරුදු 45ත් - 55ත් අතර පුද්ගලයන් ව්‍යායාම සඳහා යොමු වන්නේ නම් වෛද්‍ය පරික්ෂණයක් වෙත යොමු විය යුතුයි. එසේම හෘද - යාබාධ ඇති වීමේ අවදානම් දෙකකට වඩා ඇති පුද්ගලයන් මෙන්ම හෘදයාබාධ රෝග ලක්ෂණ සහිත පුද්ගලයන් වෛද්‍ය පරීක්ෂණවලින් පසු උපදේශන කරා යොමුවිය යුතුයි. ඊට අමතරව වෛද්‍ය උපදෙස් ලබාගත යුතු පිරිස ව නේ හෘදයාබාධ, පෙණහලු ආශ්‍රිත රෝග, වෙනත් (දිගුකාලීන) රෝග සහිත පුද්ගලයන්ය. මධ්‍යම ප්‍රමාණයේ ස්වායු ව්‍යායාම, පේශි ශක්තිමත් කිරිමේ ව්‍යායාම, නම්‍යශීලී ව්‍යායාම සහ ශරීරයේ සමබරතාවය රැක ගැනීමේ ව්‍යායාම මොවුන් සඳහාම සුදුසු ව්‍යායාම වේ. බර බර වැඩි පුද්ගලයන් ව්‍යායාම කරන විට පේශි සහ සැකිලි පද්ධතියට මෙන්ම සන්ධි ආශ්‍රිත ආබාධ ඇති විය හැකි නිසා අනවශ්‍ය ප්‍රමාණයේ බරක් එම ස්ථා...

  ඇග ඇදීමේ ව්‍යායාම, ඇඟ උණුසුම් කිරීමේ ව්‍යායාමවල සිදු කළ යුතු අනිවාර්යය අංගයක් ලෙස මතයක් බොහෝ අය තුළ ඇතත් වර්තමානයේදී එය අනිවාර්යය අංගයක් ලෙස නොසලකයි. කෙසේ වෙතත් ඇග උණුසුම් කිරීමේ ව්‍යායාම අවසානයේ ඇග ඇදීමේ ව්‍යායාම සිදු කරන විට කලකට පෙර සිදු කළ ස්ථිතික ඇදීමේ ව්‍යායාම (Static stretching exercises) වෙනුවට සිදු කරනුයේ වේගයෙන් චලනය වෙමින් සිදු කරන ව්‍යායාමයි. (Dyanamic stretching exercises) පේශි සිසිල් කිරීමේ ව්‍යායාම (Cool down exercises) ඕනෑම ව්‍යායාමයකින් පසු ශරීරයේ පේශීන් සහ පද්ධතීන් ව්‍යායාමයට පෙර තිබූ තත්ත්ව යට ගැනීම සඳහා ඇග සිසිල් කිරීමේ ව්‍යායාම සිදු කරනු ලබයි. බොහෝ විට ඇග සිසිල් කිරීමේ ව්‍යායාම සිදු කරනුයේ යම් පුද්ගලයකු කරන ව්‍යායාමයට අනුරූපීවය. උද :- දිවිමේ ව්‍යායාමයකට පසු ඇග සිසිල් කරන ව්‍යායාම කිරීමට නම් හොඳම ව්‍යායාම ව න න ඉතා සෙමින් දිවීමය. නැතහොත් ඇවිදීමය. මෙහිදී විනාඩි 5 සිට විනාඩි 15 දක්වා කාලයක් ඇඟ සිසිල් වීමේ ව්‍යායාම සඳහා යොදාගනී. එම ව්‍යායාම අතරතුර පේශි ඇදීමේ ව්‍යායාමද කළ යුතුය. පේශි ඇදීමේ ව්‍යායාම කරන විට ස්ථිතික ඇදීමේ ව්‍යායාම සිදු කරනු ලබයි. මෙසේ ස්ථිතික ව...

  ව්‍යායාම සිදු කිරීමට පෙර පුද්ගලයකු ඕනෑම පරිසර තත්වයකදී කළ යුතු මූලික කාරණය වන්නේ ඇග උණුසුම් කිරීමේ ව්‍යායාමයයි. ඇග උණුසුම් කිරීමේ ව්‍යායාමවල අරමුණ වන්නේ ව්‍යායාම කරන පේශිවලට හොඳින් රුධිරය ගලා යාමට සැලැස්වීමය. එසේම එම පේශි ලිහිල් කරගැනීම සහ පේශිවලට උත්තේජනයක් ලබාදීමයි. ඇඟ උණුසුම් කරගැනීම සඳහා සැහැල්ලු ව්‍යායාමයක් විනාඩි 3 සිට 10 දක්වා කාලයක් සිදු කළ හැකිය. බොහෝ විට යම් පුද්ගලයකු අදහස් කරන ව්‍යායාමය හා ගැළපෙන ව්‍යායාමයක් ඇග උණුසුම් කරගැනීම සඳහා යොදාගැනීම සුදුසුය. උදා:- ව්‍යායාමයක් ලෙස ඇවිදීම හෝ දිවීමට බලාපොරොත්තු වන පුද්ගලයකුට ඇවිදීම හෝ සෙමින් දිවීම විනාඩි 3 සිට 10 කාලයක් කිරීමෙන් ඇඟ උණුසුම් කරගත හැකිය. කායවර්ධන ව්‍යායාම කරන පුද්ගලයකුට ඇග උණුසුම් කිරීම සඳහා සැහැල්ලු බරක් වාර 10ක - 15ක පමණ ප්‍රමාණයක් එසවීමෙන් ඇඟ උණුසුම් කරගත හැකියි. ඉහත සඳහන් උදාහරණවලට අමතරව ඇග උණුසුම් කරගැනීම සඳහා බයිසිකල් පැදීම, කීපින් රෝප් පැනීම, ටෙමින් උපකරණයක ඇවිදීම වැනි ක්‍රමවේදය භාවිත කළ හැකිය. මෙහිදී බලාපොරොත්තු වන්නේ ශරීරයේ උෂ්ණත්වය සෙල්සියස් අංශක එකකින් දෙකකින් වැඩි වීම වන අතර එහි ලක්ෂණයක් ලෙස සම මතුප...

  ඕනෑම කාර්යයක් කිරීමේදී එම කාර්යයන්ට අදාළව ප්‍රතිරෝධයක් ඇත. එම ප්‍රතිරෝධයන් දරාගෙන ජීවිතයේ එදිනෙදා කටයුතු පහසුවෙන් කරගැනීම සඳහාත්, පේශි ශක්තිමත් කිරීම, අස්ථිවල ඝනත්වය වැඩි කරගැනීම, සමබරතාව රැකගැනීම සහ හෘදය ආශ්‍රිතව යෝග්‍යතාව වැඩි කිරීම ප්‍රතිරෝධ ව්‍යායාම කිරීමෙන් ලැබෙන ප්‍රතිලාභයන් වේ. මෙහිදී ශරීරයේ බර ව්‍යායාම යන්ත්‍රවලින් ජනනය කරන බර සහ නිදහස් බර යොදාගෙන ප්‍රතිරෝදක ව්‍යායාම කළ හැකිය. එහිදී සිදු කරනු ලබන ව්‍යායාම පුද්ගලයාගෙන් පුද්ගලයාට සහ එකම පුද්ගලයාගේ විවිධ අවශ්‍යතාවන් සඳහා වෙනස් වන අතර ඒ අනුව තීව්‍රතාව (ඔසවන ලබනු බර ප්‍රමාණය) ව්‍යායාම කරනු ලබන වාර ගණන සහ එක් ව්‍යායාමයකින් සිදු කරනු ලබන වාර ගණන තීරණය වේ. අවම වශයෙන් පේශි ශක්තිමත් වන ව්‍යායාම සතියකට දින 2ක් කළ යුතු අතර එම ව්‍යායාම ප්‍රධාන පේශිවලට ව්‍යායාම් වන සේ තෝරාගත යුතුය. එක් ව්‍යායාමයකින් එකවරකට වාර 8 – 12ක් කළ යුතු අතර එවැනි ව්‍යායාම පද්ධති (reps) 2 - 4ක් සිදු කළ යුතුය.   ව්‍යායාම් පද්ධතීන් දෙකක් අතර අඩුම තරමේ විනාඩි දෙකක තුනක විවේක කාලයක් තිබිය යුතු අතර එකම පේශි කාණ්ඩයක් සඳහා ව්‍යායාම කිරීමේදී පැය 48ක කාල පර...

  ව්‍යායාම තීව්‍රතාව තීරණය කිරීම සඳහා විවිධ ක්‍රම ඇතත් බොහෝ දෙනෙකුට යොදාගත හැකි ප්‍රායෝගික ක්‍රමය වන්නේ, හෘද ස්පන්දන වේගය මැන බැලීමය. හෘද ස්පන්දන වේගය සහ ස්වායු ව්‍යායාම අතර සෘජු සම්බන්ධයක් ඇති බැවින් මෙම ක්‍රමය යම්කිසි පුද්ගලයකුගේ ව්‍යායාම තීව්‍රතාව මැන බැලීමට සුදුසු ක්‍රමයකි. එහිදී මුලින්ම එක් එක් පුද්ගලයකුට අදාළව උපරිම හෘද ස්පන්දන වාර ගණන තීරණය කරයි. එසේ සිදු කරන්නේ පහත දැක්වෙන ආකාරයටය. උපරිම හෘද ස්පන්ධන වේගය යනු පුද්ගලයෙකුගේ ජීවිතයට අනතුරක් නොවී ළගා කරගත හැකි උපරිම හෘද ස්පන්ධන වේගයයි. උපරිම හෘද ස්පන්දන වේගය = 220 - වයස ප්‍රතිඵලදායී හෘද      =   උපරිම හෘද           x 70 සිට 85% ස්පන්ධන වේගය   =   ස්පන්ධන වේගය     මෙම උපරිම හෘද ස්ප න්දන වේගයෙන් 70% සිට 85% දක්වා හෘද ස්පන්දන වේගයක් පවත්වාගෙන ව්‍යායාම කිරීමෙන් හෘදය වස්තුව ආශ්‍රිතව යෝග්‍යතාව වැඩි දියුණු කළ හැකි අතර ශරීරයේ මේදය දහනය වීමද ශීඝ්‍රයෙන් සිදු වේ. කෙසේ වෙතත් එම ව්‍යායාම ඉහත තීව්‍රතාවෙන් අවම වශයෙන් විනාඩි 20ක කාලයක් දිනකට සිදු කළ ය...

ව්‍යායාම කිරීමට පෙර ඇතැම් පුද්ගලයන්ට උපදේශන සේවා ලබාගැනීමේ අවශ්‍යතාවක් ඇත. ව්‍යායාම නිදහසේ කළ නොහැකි පිරිස මේ ගණයට අයත් වේ. එකම ආකාරයේ ව්‍යායාම සෑම අයෙකුටම සාර්ථක ප්‍රතිඵල ලබා නොදෙයි. පුද්ගලයා අනුව ව්‍යායාමයේ ප්‍රතිඵල වෙනස් වේ. නමුත් අමෙරිකාවේ ව්‍යායාම් ක්‍රීඩා සංගම් පෙන්වා දෙන ආකාරයට යම් අයෙකුට හෘදයාබාධ ඇති වීමේ අවදානම් රෝග ලක්ෂණ නොමැති නම් උපදේශනයකින් තොරව ව්‍යායාම් කළ හැකියි. කෙසේ වෙතත් ව්‍යායාම් සඳහා පිවිසෙන සියලු දෙනාම හෘදයාබාධ අවදානම් ඇත්දැයි පරීක්ෂා කිරීමේ අවශ්‍යතාවක් නොමැත. මධ්‍යම ප්‍රමාණයේ ව්‍යායාම්වල යෙදීම ඕනෑම අයෙකුට සුදුසු ව්‍යායාමයයි. ව්‍යායාමයේ උපරිම පල නෙළා ගැනීමට නම් යම් අරමුණක් ඉලක්කයක් කරා මෙහෙයවීමෙන්, දැඩි කැපවීමෙන් සිදු කළ  යුතුයි. එවැනි අරමුණක් නොමැතිව ව්‍යායාම් කිරීමේදී නිසි ප්‍රතිඵල නොලැබී යා හැකියි. ව්‍යායාමයට පිවිස ඉතා කෙටි කාලීනව ප්‍රතිඵල බලාපොරොත්තු නොවිය යුතුයි. තම ව්‍යායාම් තුළින් ඉලක්ක කරා ළඟා විය නොහැකි නම් ව්‍යායාම් රටාවේ වෙනස් කිරීම් සිදු කළ යුතුයි. SMART නැමැති මූලධර්මය ව්‍යායාමයේ නිසි ප්‍රතිඵල ලබාගැනීමට යොදාගත හැකිය. S- Specific ව්‍යායාම ඒ ඒ ...

දියවැඩියාව බොහෝ සංකූලතා ඇති කරන රෝගයක් බැවින් රුධිර සංසරණ පද්ධතිය ආශ්‍රිතව ඇති විය හැකි සංකුලතා සම්බන්ධව වෛද්‍ය පරීක්ෂණ සිදු කළ යුතුය. දෙවැනි වර්ගයේ දියවැඩියා රෝගීන් 50%ක් පමණ හාදය වස්තුවට රුධිරය සැපයීමේ දුර්වලතාවලින් පෙළෙයි. එහෙත් එම රෝගීන් ඇතැමෙකුට එම අවස්ථාවල වේදනාව නොදන්නේ. ඊට හේතුව වන්නේ දියවැඩියාව මඟින් නායුවල දුර්වලතාවක් ඇති කරන බැවිනි. එම නිසා වැඩි තීව්‍රතාවයකින් ව්‍යායාම කිරීමට බලාපොරොත්තු වන පුද්ගලයන්, අවු. 10කට වඩා දියවැඩියාව ඇති පුද්ගලයින්, අවු. 35ට වඩා වයසින් වැඩි දියවැඩියා රෝගී න්, හෘදයාබාධ ඇති වීමට හා අනෙකුත් අවදානම් සාධක ඇති පුද්ගලයන් සහ දැනට දියවැඩියාව නිසා පර්යන්ත රුධිරවාහිනීවල රෝග ඇති වී ඇති පුද්ගලයන් අනිවාර්යයෙන්ම ව්‍යායාම ඊ.සී.ජී. පරීක්ෂණ කළ යුතුය. එමෙන්ම මෙම පුද්ගලයන්ගේ රුධිරගත සීනි ප්‍රමාණයට  අමතරව කොලෙස්ටරෝල් සහ වකුගඩු ක්‍රියාකාරීත්වයද ව්‍යායාමයට පෙර පරීක්ෂා කර තිබීම වැදගත්ය. මෙම පුද්ගලයන් ව්‍යායාම කිරීමේදී ස්වායු ව්‍යායාම විනාඩි 30 සිට 60 දක්වා පමණ කාලයක් සිදු කිරීම අරමුණ විය යුතු අතර එය එක දිගටම හෝ කොටස් වශයෙන් කළ හැකිය. සමස්තයක් ලෙස සතියකට විනාඩි 150...